Vantajen Saida Mak Ita Hetan Bainhira Fa’an Rai No Uma Liuhusi Agensia Real Estate ?
Ema balun senti fasil liu bainhira fa’an nia propriedade liuhusi agensia real estate. Agensia real estate sai hanesan ligasaun entre ema ne’ebé fa’an, sosa, no aluga propriedade hanesan rai, no uma. Aliende ne’e agensia mos ativu buka kliente ne’ebé sosa propriedade liuhusi maneira barak. Dalabarak agensia utiliza media sosial hanesan facebook, whatsapp, website, tiktok, no Instagram hodi halo promosaun ba lista propriedade ne’ebé atu fa’an ka fo aluga.
Liuhusi maneira hirak ne’e bele fasilita ema ne’ebé hola propriedade ka (pembeli) hodi kontaktu agensia husu informasaun kona-ba uma ka rai ne’ebé sira hakarak. Agensia real estate bele hafasil ita hodi fa’an rai no uma. Agensia mós iha lista kona-ba ema ne’ebé buka uma ka rai atu hola.
Vantajen hirak ne’ebé ita hetan bainhira fa’an ka fo aluga proriedade liuhusi agensia real estate mak hanesan:
Bainhira ita uza agensia ita la presiza buka komprador, tanba agente mak sei buka komprador. Ita bele halo fali servisu seluk ne’ebé ita presiza.
Ita hein de’it informasaun husi agensia bainhira iha ona komprador ruma agente sira sei informa fali ita.
Agente mak sei halo negosiasaun ho komprador sira. Bele mos agente lori ema ne’ebé interese atu hola hodi halo negosiasaun direta ho uma/rai na’in, depende ita hakarak uza opsaun ida ne’ebé.
- Agente mos sei ajuda hodi esplika kona-ba vantajen uma/rai nian ba ema ne’ebé atu hola.
- Trata Dokumentu ho Fasil
Bainhira hetan ona komprador (pembeli), agente mak sei fasilita prosesu sira hanesan trata dokumentu, (balik nama) to’o notariadu.
- Hein Simu Rezultadu (Terima Jadi)
Ita hanesan na’in ba propriedade hein atu simu de’it rezultadu husi fa’an propriedade hanesan rai ka uma (terima jadi). Ita la gasta tempu hodi trata kona-ba fa’an no sosa, tanba agente mak fasilita hotu.
Fasil liu fa’an uma/rai liuhusi agensia real estate, ita la presiza gasta tempu hodi lori ema ba mai haree ita nia rai/uma ne’ebé atu fa’an. Ema barak mak to’o iha lokasi haree tiha de’it maibe la hola, ida ne’e mos bele halo ita baruk atu atende ema tanba ne’e di’ak liu fa’an property liuhusi agensia real estate hanesan Agensia Timor Property hodi fasilita prosesu hirak ne’ebé ita senti atrapalha liu ita-nia servisu sai fasil liutan.
Hakerek husi : Maria Eperansa da C. Belo
